Cerrig Eyarth ger Rhuthun, Sir Ddinbych

Eyarth Rocks

Species to look out for

    Mae’r palmentydd calchfaen yn y warchodfa braf hon ar ben bryn ymhlith y rhai gorau yng Nghymru. Mae’n cael ei rheoli’n ofalus gyda golwg ar gynnal y boblogaeth gryfaf yng Ngogledd Cymru o’r Fritheg Berlog sydd dan fygwth.

     Lleoliad

    Côd post:             LL15 2EG

    Cyfeirnod Grid:    SJ 122 540

    Mapiau Ordnans: Landranger 116 ac Explorer 256

    Y dref agosaf:      Rhuthun, Sir Ddinbych

    SUT I’W CHYRRAEDD

    Ar y ffordd

    Mae mynedfa gwarchodfa Creigiau Eyarth tua 4km (2 1/2 filltir) i’r de o Ruthun. Cymerwch yr A494 (T) tua’r de o Ruthun.

    I gyrraedd porth mynedfa’r warchodfa yn y mur gogleddol, wrth Gyfeirnod SS 122 542 ar y Map Ordnans, dilynwch y llwybrau cyhoeddus o Bwll-glas neu o Bont Eyarth. Mae ychydig o fannau parcio ar gael y tu allan i bentrefi  Pwll-glas a Llanfair DC (e.e. ger Pont Eyarth).

    Ar feic

    Mae Pwll-glas tua 18 milltir ar hyd y ffyrdd o orsaf Wrecsam. Does dim llwybr beicio Sustrans ar hyn o bryd yn agos i’r safle. 

    Ar y bws

    Mae bws rhif X5 yn rhedeg bob awr o Ruthun i Bont Eyarth a Phwll-glas. Gwiriwch wefan megis Traveline Cymru i gael y manylion diweddaraf.

    Ar y trên

    Mae bysus yn rhedeg i Ruthun o’r orsaf agosaf, sef Wrecsam.

    http://planner.traveline-cymru.info/journeyplanner

    HANES Y WARCHODFA

    Prynodd Gwarchod Glöynnod Byw y safle yn 2002. Diolch i waith rheoli parhaus mae poblogaeth y Fritheg Berlog wedi tyfu’n galonogol ers hynny.

     

    DISGRIFIAD O’R WARCHODFA

    Mae’r palmentydd calchfaen yn y warchodfa braf hon ar ben bryn ymhlith y rhai gorau yng Nghymru. Mae’n cael ei rheoli’n ofalus gyda golwg ar gynnal poblogaeth gryfaf Gogledd Cymru o’r Fritheg Berlog sydd dan fygwth.

    Mae gwarchodfa Creigiau Eyarth (arwynebedd: 8.4 ha) yn rhan o Ardal o Ddiddordeb Gwyddonol Arbennig (SSSI) Craig-adwy-wynt. Un o’r safleoedd cyfoethocaf yn y Gogledd yw hwn o ran glöynnod byw, gan fod 32 o’r 34 o rywogaethau y gwyddys am eu presenoldeb yn y rhanbarth wedi cael eu cofnodi ar ben y bryn calchfaen hwn.  

    Mae fflora’r palmentydd calchfaen yn aruthrol, ac mae’r safle’n cynnig golygfeydd godidog o’r ardal.

     

    GWEITHGAREDDAU RHEOLI

    Rhoddwyd cynnig ar amrywiaeth o weithgareddau rheoli ar y safle, gan gynnwys pori defaid a chribinio rhedyn.  Y rheolaeth orau o safbwynt y Fritheg Berlog, gyda golwg ar adael i fioledau egino i’r lindys gael eu bwyta, yw torri’r prysgwydd yn rheolaidd ar raddfa fach a chadw’r rhedyn dan reolaeth.

    CADWCH OLWG AM

     Löynnod Byw

    • Y Fritheg Berlog
    • Y Brithribin Gwyn
    • Y Gwibiwr Brith
    • Y Gwibiwr Llwyd
    • Y Fritheg Werdd
    • Gweirlöyn y Cloddiau
    • Yr Argws Brown
    • Y Glesyn Cyffredin
    • Y Fritheg Berlog Fach

    Planhigion nodedig

    • Meligwellt Gogwydd
    • Lloer-redyn
    • Tafod y Ci
    • Tegeiriannau Llydanwyrdd

    MYNEDIAD I’R SAFLE A DIOGELWCH

    Mae’r llwybr mynediad a awgrymwn ni’n golygu cerdded tuag 1 km, ar lwybr sy’n gymharol serth mewn mannau, i fyny o ddyffryn hardd afon Clwyd. Mae’r llawr yn anwastad mewn mannau, a bydd angen sgidiau cryf arnoch chi. Mae arwyneb y palmant calchfaen yn cynnwys llu o agennau ('clints') a greiciau 'grikes' cul sy’n dal traed y cerddwr diofal. Byddwch yn ofalus iawn ar ochr orllewinol y warchodfa lle mae ymyl dibyn heb ei ffensio.

    Mae olion y fryngaer gyfagos ar dir preifat nad yw’n rhan o’r warchodfa.

    CYSWLLT

    Russel Hobson

     

    CYFLEUSTERAU

    Y toiled agosaf: Rhuthun

    Y siop agosaf: Mae yna dafarn a swyddfa bost ym Mhwll-glas.