Britheg Berlog Fach

Mae’r oedolion yn hedfan yn agos i’r ddaear, gan aros yn aml i gymryd neithdar o flodau megis Mieri ac Ysgall. Gellir gwahaniaethu rhyngddi a’r Fritheg Berlog ar sail y perlau gwynnaidd mwy niferus sydd ar du isaf yr adennydd cefn, y sieffrynau duon sydd o gwmpas y perlau allanol, a’r smotyn canolig du sy’n fwy o faint.
Erys y glöyn byw yma’n eang ei ddosbarthiad ac yn niferus mewn mannau yn yr Alban a Chymru, ond mae ei niferoedd wedi gostwng yn arw yn Lloegr.
 

Maint a Theulu
•    Teulu: Brithegion
•    Maint: Canolig
•    Amrywiad yn lled yr adenydd (rhwng gwrywod a benywod): 41-44mm

Statws o ran cadwraeth
•    Rhywogaeth Adran 41 o bwysigrwydd pennaf dan Ddeddf NERC yn Lloegr
•    Rhestrwyd yn Adran 7 o Ddeddf yr Amgylchedd (Cymru) 2016
•    Rhestr Bioamrywiaeth yr Alban
•    Statws dan Gynllun Gweithredu Bioamrywiaethol y DU: Rhywogaeth Flaenoriaethol
•    Blaenoriaeth Gwarchod Glöynnod Byw: Uchel
•    Statws Ewropeaidd: Heb fod dan fygwth

Planhigion Bwyd y Lindys
Y planhigion bwyd a ddefnyddir gan amlaf yw Blodau’r Gwcw/Llysiau’r Drindod (Viola riviniana) a Fioled y Gors (V. palustris). Mae’n ymborthi’n achlysurol ar rywogaethau eraill o deulu’r fioled.

Cylch bywyd

 

 

Cynefin
Defnyddir pedwar prif gynefin: blaguriadau glaswelltirol llaith a rhostiroedd (yng ngogledd a gorllewin Prydain); llennyrch mewn coetir  (yn ne Prydain yn bennaf); glaswelltir lle mae Rhedyn a/neu glytiau o brysgwydd a phorfa goetirol agored, ac ymylon coedwigoedd yn yr Alban.

Dosbarthiad
•    Gwledydd: Lloegr, Yr Alban a Chymru
•    Rhannau gorllewinol o ynys Prydain yn bennaf
•    Prin iawn yn nwyrain Prydain, ac yn absennol o Iwerddon
•    Tuedd Dosbarthiad ers y 1970au: -76%