Cyfle gwaith cyffrous ar gyfer Swyddog Cadwraeth profiadol, ar draws De Cymru.

Cytundeb 12 mis, dyddiad cau 9fed Mai.

Swydd-ddisgrifiad Swyddog Cadwraeth yng Nghymru

Darllenwch y manylion llawn ar ein Tudalen swyddi - sgroliwch i lawr i weld cyfarwyddiadau ynghylch ymgeisio a'r ffurflen gais.

Croeso

Mae tirweddau amrywiol hardd Cymru’n gartref i 44 o wahanol rywogaethau o löynnod byw a mwy na 1,850 o wahanol wyfynod. Mae’r rhan fwyaf o’r rhain yn dirywio o ran eu nifer a’u gwasgariad, a hynny oherwydd newid hinsawdd a’r ffordd y mae’r tir yn cael ei reoli.  Mae’r newidiadau hyn yn gymhleth: mae rhai rhywogaethau o wyfynod wedi cael eu gweld yng Nghymru yn ddiweddar am y tro cyntaf.

Dysgwch ragor: Cliciwch i ddarllen am gyflwyr ein gwyfynod  a’n glöynnod byw, ac am y gwyfynod yng Nghymru. Archwiliwch y dolenni isod sy’n mynd â chi at daflenni ac adroddiadau dwyieithog am y rhywogaethau sydd dan fygythiad yng Nghymru.

Dilynwch y dolenni cyswllt ar y dudalen yma i ddysgu am ein gwaith gwych sydd â’r nod o sicrhau dyfodol i löynnod byw a gwyfynod ledled y wlad.

Newyddion am Gymru

Gorffennaf 2022: Eiriolydd Rhywogaeth y Gliradain Gymreig. Ymweliad hyfryd â safle ar lan  Llyn Fyrnwy ddydd Gwener y 15fed fel rhan o brosiect Cyswllt Amgylchedd Cymru. Ymunodd Mabon ap Gwynfor, AS Plaid Cymru dros Ddwyfor Meirionnydd ac Eiriolydd Rhywogaeth dros y Gliradain Gymreig, â Clare Williams o Gwarchod Glöynnod Byw a staff o’r RSPB ar lannau Llyn Fyrnwy i chwilio am y gwyfyn hwn, sydd mor brydferth ond mor anodd dod o hyd iddo. Buon nhw’n trafod pa fath o weithredu sydd angen er mwyn sicrhau y bydd yn goroesi yn y dyfodol. Ni welwyd yr un gwyfyn llawn dwf, ond daethpwyd o hyd i lu o dyllau dod allan a gweiniau chwilerod, sy’n profi bod y rhywogaeth yn bresennol o hyd ar y safle gwych yma

Mehefin 2022: Mae gre o Ferlod Mynydd Cymreig a gyr o wartheg Dexter wrthi’n prysur agor eangderau o laswellt rhy doreithiog gan sicrhau cynefin addas i Fritheg y Gors yng Nghaeau Ffos Fach.
Rydym yn gweithio mewn partneriaeth â Chyngor Sir Caerfyrddin, Cyfoeth Naturiol Cymru, porfelwyr cadwraethol lleol a’n tîm ni o wirfoddolwyr gwych er mwyn gwneud yn siŵr y bydd ein darn ni o’r dirwedd hanfodol bwysig hon yn dal i estyn croeso i’r rhywogaeth brin hon, Britheg y Gors.

Allech chi helpu?

Cliciwch ar Cyfleoedd i Wirfoddoli i ddysgu sut. Mae angen gwirfoddolwyr arnon ni nawr yng Nghymru.
Mae gwirfoddolwyr yn cyflawni gwaith amhrisiadwy wrth ein helpu ni i reoli cynefinoedd, cadw llygad ar rywogaethau sydd dan fygythiad, lledaenu ein neges trwy gyfryngau cymdeithasol a llu o dasgau eraill.  Defnyddiwch y ffurflen Cysylltu â Swyddfa Cymru isod os oes cwestiynau gennych chi.

Ein Blaenoriaethau Cyfredol o ran Gwaith
Mae ein tîm bach o aelodau staff a gwirfoddolwyr ymroddedig yn canolbwyntio ar weithio gyda’r rhywogaethau hynny sydd dan y bygythiad mwyaf fel y’u disgrifir yn Strategaeth Cadwraeth Cymru. Y rhywogaethau sydd â’r flaenoriaeth uchaf gennym yng Nghymru yw: Y Fritheg Frown, Britheg y Gors, Y Gwibiwr Brith,  Y Dolennwr Llwydfelyn,  Y Fritheg Berladeiniog, Y Gwyfyn Du â Smotiau Gwyn, Y Gwalchwyfyn Gwenynaidd Ymyl Gul, Y Brychan Pennau Saethau, Caryocolum blandulella, Coleophora serpylletorum,  Y Brychan Cochddu, a’r Dart Llwydwyrdd.
Fel aelod o Cyswllt Amgylchedd Cymru, rhwydwaith gweithgar o Gyrff Anllywodraethol amgylcheddol yng Nghymru, mae gennym sianel gyswllt werthfawr ar gyfer gweithio gyda Llywodraeth Cymru.